Львов Алексей Афанасьевич

Воспоминания Львова Алексея Афанасьевича

Мин, Львов Алексей Афанасьевич, Ньурба Оройуонун Чуукаар нэhилиэгэр 1928 сыллааха алтынньы ый бүтэhигэр төрөөбүтүм.Ийэм Малдьа5артан төрүттээх Семенова Анна Алексеевна, а5ам Семенов Афанасий Львович «Хахханнаах» диэн икки алаас куулатыгар олорбуттар.Мин 1937 сыллаахха Чуукаардаа5ы Кубалаах начальнай оскуолатын бастакы кылааhыгар үөрэнэ киирбитим. 1941 сыл ыам ыйыгар төрдүс кылааhы бүтэрбитим. Сайын колхуоска от, бурдук үлэтин хомууругар үлэлээбитим. 1941 сыл бала5ан ыйын 1 кунугэр Өңөлдьө ситэтэ суох орто оскуолатын бэhис кылааhыгар үөрэнэ киирбитим. Дэриэбинэттэн тэйиччи «Бэрэ» сиртэн сылдьан үөрэммитим. Онтон 16 о5о олорор интернетыгар ылбыттара. 1942 сыл «Комсомол» колхозка саас, сайын бурдук ыhыытыгар, от улэтигэр улэлээбитим. 1948-1949 сылларга уот кураан буолан сүүрбэччэ костоох Накыын үрэ5эр отчуттары таhаартаан хотон, дьиэ туттарбыттара. Биhиги күhүн сүөhү көhөрөн, сылгы таhаартаан, саас тахсыбыт сүөhүлэри коhорон киллэрбиппит.

Сибээскэ үлэлээбит 25 сыл устатыгар биир да ый, биир да сыл былааммын толорботох ыйдарым, сылларым суохтара. Сибээс Оройуонна5ы «Бочуотунай дуоскатыгар» тахсыбытым, ситиhиилээх үлэм түмүктэринэн хай5ал суруктары, бочуотунай грамоталары, харчынан бириэмийэлэри да ылаттаабытым. Икки тогул «Коммунистическай үлэ ударнига» знагы ылбытым.

Сибээс начальнигынан үлэлии олорон нэhилиэк общественнай оло5ор активнайдык кыттарым.

Өңөлдьө нэhилиэгэр кэлэн табаарыстыы суукка председателынан 2 сыл, партийнай тэрилтэ секретарынан 2 төгүл, норуодунай хонтуролга 2 төгүл талыллан улэлээбитим.. Нэhилиэк советын депутатынан Чуукаарга 5 төгүл, онолдьо5о 4 төгүл быыбарданан үлэлээбитим. Нэhилиэк иhигэр ыытыллар быыбардарга участактаа5ы быыбардыыр комиссия председателынан талыллан улэлээбитим.

Билигин мин пенсия5а тахсыахпыттан сынньалаңңа олоробун.

Өңөлдьө нэhилиэгэр кэлэн, 1965 сыллааха 6 о5олоох Степанова Варвара Никитичнаны кэргэн ылан олохпутун холбообуппут. 1967с. бэс ыйын 19 кунугэр Афоня диэн уол о5оломмуппут.

Кэргэним Варвара Никитична ыалдьан эрдэ олохтон туораабыта. О5олорбут улаатан билигин бэйэлэрэ эбээ-эhээ буоллулар.

Улахан кыыс Елена Ильинична Иванова Марха5а олорор. Марха5а сибээс отделениятын начальнигынан, онтон олохтоох дьаhалта5а специалиhынан үлэлээбитэ.Кэргэнэ Иван Герасимович «Марха» совхозка өр сылларга механиктаабыта. Билигин иккиэн пенсия5а тахсан сынньаланна олороллор. 4 о5олоохтор, 4 сиэннээхтэр.

Улахан уол Владимир Ильич Степанов Дьокуускайга олорор. «Анаабыр алмаастара» ОАО тэрилтэ5э кылаабынай бырааhынан үлэлиир. Кэргэнэ Руслана Михайловна Геология институтугар үлэлиир. Уоллаахтар, икки сиэннээхтэр.

Орто уол – Валерий Ильич – индивидуальнай предприниматель, Онолдьо5о олорор. Нэhилиэккэ тракторынан от – масс тиэйиитин өңөтүн онорор.

Иккис кыыс Раиса ИльиничнаМихайлова Өнөлдьо5о олорор. Ор сылларга савхозка дояркалаабыта, онтон арыы сыа5ар, лаборанынан, рабочайынан улэлээбитэ. Билигин пенсия5а тахсан сынньаланна олорор. Кэргэнэ Анатолий Александрович «Сахателеком» ОАО Булуутээ5и филиалын электромонтерунан улэлиир. 3 о5олоохтор, 1 сиэннээхтэр.

Уhус кыыс Светлана Ильинична Андреева Марха5а олорор. Өр сылларга атыы – эргиэн тэрилтэтигэр продавеhынан үлэлээбитэ. Билигин Мархатаа5ы арыы сыа5ар маастарынан үлэлиир. Кэргэнэ Владимир Игнатьевич нэhилиэккэ өр кэмнэ «Водовоз» массыына5а шофердаабыта, билигин ЖКХ тэрилтэ5э кочегар- операторынан улэлиир. 6 о5олоохтор.

Кыра кыыс Ньургустаана Ильинична Слепнева Дьокуускай куоракка олорор, агроном идэлээх. Кэргэнэ Леонид ГАИ-га улэлиир. 4 о5олоохтор.

Кыра уолум Афанасий Алексеевич Антоновка5а олорор. Нюрбатаа5ы соцстрахование тэрилтэтигэр шоферунан улэлиир.Кэргэннээх, 6 о5олоох, 1 сиэннээх.

О5олорум, сиэннэрим олоххо, үлэ5э-үөрэххэ ситиhиилэриттэн үөрэбин, киэн туттабын, дьолло5унан аа5ынабын.