Максимова Раиса Ивановна

Воспоминания Максимовой Раисы Ивановны

1 Тыыллыма нэһилиэгэр Молотов аатынан колхоз Лоомтука бөһүөлэгэр 1929 сыллаахха төрөөбутум. Мэнэ-Ханалас оройуонун сибээс оройуоннаа5ы хонтуоратыгар 1961 сыл от ыйын 29 кунуттэн телеграмма таһааччы почтальонунан улэбин са5алаабытым. Бу тэрилтэ5э 1979 сыл атырдьах ыйын 1 кунугэр дылы энкилэ суох улэлээн кэллим. Бу улэлиир конторабар контора сибээс узелын общественно-политическай улэтигэр-хамнаһыгар активнайдык кыттан кэллим. Хас сыл аайы, ый аайы бэйэм былааммын өруутун аһары толорон администрация, партийнай, профсоюзнай тэрилтэлэр бочуотунай граматоларынан, харчынан премияларын ылаттаатым. Бу улэлээбит сылларбар 1975 сыллаахха «Коммунистическай улэ ударнига» уонна 1979 сыллаахха «Сибээс ветерана» знактарынан на5араадаламмытым.

Бу улэлиир сыллырбар уус-уран самодеятельность активнай кыттыылаа5а буолан «Самодеятельность ветерана» бочуоттаах ааты ылбытым. Ити оруйуонна культура эстафетата төруттэммитэ 30 сылын туолуутугар ылбытым. Онтон пенсия5а тахсан баран 1979 сыл алтынньы 4 кунуттэн 1989 сыл кулун тутар ый 28 кунугэр дылы Аллараа Бэстээхтээ5и сибээс электро-техническэй узелын №1 Майатаа5ы линейно-техническай сыа5ар уон сылы эрэ кыайбат дуоһунаска утүө суобастаахтык улэлээн кэллим.

Бу икки тэрилтэ5э 28 сыл устатыгар сибээс систематыгар араас омук представителлэрин кытта эн-мин дэһэн, кинилэр үөруулэрин-хомолтолорун тэннэ уллэстэн кэллим.

Мин кэргэмминээн Лукин Владимир Ивановичтыын биэс о5ону төрөтөн, иитэн барыларын үөрэттэрэн кэллим. Улахан кыыһым урдук үөрэхтээх милиция подполковнига билигин пенсия5а олорор, бэйэтэ эбээ. Улахан уол урдук үөрэхтээх авиатор билигин иккис үөрэ5инэн адвокаттыы сылдьар. Орто кыыс урдук үөрэхтээх куорат санитарно-эпидемиологическай лабораториятын начальнига. Кыра кыыс орто специальнай үөрэхтээх бухгалтер Майа5а баар. Кыра уол урдук авиатор үөрэхтээх билигин куоракка баар. Бу о5олорум бары ыал буолбуттара. 8 сиэн 5 хос сиэн эбээтэ буолан олоробун.